Ég lenti í því að leigusali sendi mér óréttmæta kröfu um greiðslu á leigu tveimur mánuðum eftir lok leigusamningsins. Í kjölfarið gekk leigusali á tryggingu sem ég hafði lagt fram til tryggingar á efndum á leigusamningnum og greiddi ábyrgðaraðili leigusala kröfuna án þess að tilkynna mér sérstaklega um það. Ábyrgðaraðilinn hóf svo innheimtuaðgerðir gegn mér og hótaði m.a. að setja mig á vanskilaskrá ef krafan yrði ekki greidd. Ég hafði samband við Þorgeir hjá Leigurétti og var hann ekki lengi að koma auga á mína réttarstöðu. Samkvæmt ákvæðum húsaleigulaga er lögð sú skylda á leigusala að gera leigutaka skriflega grein fyrir því innan fjögurra vikna frá skilum húsnæðis hvort hann gerir kröfu í tryggingu eða ábyrgð leigutaka. Það gerði leigusali hins vegar ekki og var krafan felld niður í kjölfarið. Málið vannst og leigusalinn komst ekki upp með þessa tilraun að hafa af mér fé.